Fundaziun Retoromana

Certificaziun e renconuschientscha

Certificaziun

Nus purschin la pusseivladad da seschar certificar el lungatg romontsch sursilvan. La certificaziun sereferescha al „rom europè communabel per emprender lungatgs definius dil Cussegl d’Europa“ cun ils livels d’examen A1, A2, B1, B2, C1, C2. Quels livels corrispundan alla suandonta applicaziun dil lungatg:

  • A1 ed A2 significheschan in diever elementar dil lungatg

  • B1 ed B2 significheschan in diever autonom dil lungatg

  • C1 ed C2 significheschan in diever cumpetent dil lungatg

Ils differents dievers dil lungatg e dils livels ein declarai pli detagliadamein en in reglament separau.

La certificaziun consista dad ina lavur a scret a dad in examen a bucca. Sin fundament dallas duas parts d’examen vegn redigiu in rapport che cuntegn:

  • ina resumaziun generala davart la lavur a scret sco era davart igl examen a bucca

  • remarcas linguisticas che sebasan sin las duas parts d’examen resumond talas ellas suandontas cumpetenzas: capientscha da text, scriver, capientscha dil lungatg ella conversaziun, discuorer, ortografia.

Nus certifichein era persunas che han buca visitau il Cuors romontsch sursilvan.

Per ulteriur sclariment supplichein nus da contactar la direcziun.
 

Certificaziun en pdf

Certificaziun, pdf
 

Attestaziun

Alla fin dil Cuors retscheiva mintga participonta e mintga participont in attest.
 

Renconuschientschas

Nies cuors vegn renconuschius sco cuors da perfecziun entras il cantun Grischun per tuttas scolastas e tuts scolasts, cumpriu las mussadras ed ils mussaders da scoletta, sco era entras il Center svizzer da perfecziun dallas scolastas e dils scolasts da scola media (CPS).