Organisaturs

Fundaziun Retoromana

La Fundaziun Retoromana Pader Flurin Maissen (FRR) ei l'organisaziun purtadra dils Cuors da romontsch intensivs dalla Surselva. L'instituziun FRR ei vegnida creada igl onn 1982 e sortida digl Institut de Cuors retoromontschs, fundaus sez igl onn 1969 da Pader Flurin Maissen e da siu frar Augustin Maissen a Rumein. Igl intent dalla FRR ei daus entras siu act da fundaziun, el qual la finamira secloma: «... salvar, tgirar ed animar la cultura dils Romontschs ad ina veta emplenida da tut quei ch'ei human, bi e car, exequida en tutta libertad dils dretgs humans.»

Quella finamira emprova la FRR da realisar sin differents camps. In da quels secturs ei l'organisaziun e realisaziun dils cuors da stad per emprender romontsch.

Responsabels per l'organisaziun:

Direcziun generala: Francestg Friberg
Secretariat ed organisaziun: Inge Venzin
Menader operativ: Conradin Klaiss