Il vocabulari romontsch sursilvan - franzos
Presentaziun
724 paginas e ver 25.000 cavazzins e renviadas.
Il lungatg romontsch sursilvan dad oz, cun sia rihezia, diversitad, bellezia... ed ils dubis e sbagls frequents dils Romontschs.
Varga 20.000 cavazzins principals cumpegliond:
• scazi general da plaids determinaus da consulents de diversas domenas;
• nums ed adjectivs geografics;
• in accent special sil vocabulari dallas scienzias naturalas.
Mellis renviadas viers la fuorma alternativa, recumandada ni da basa dil cavazzin, sco p. ex. per las fuormas irregularas de verbs, etc.
Reha fraseologia cun modas da dir tradiziunalas ed exempels ord il diever litterar u current.
Numerusas recumandaziuns per in romontsch correct.
Tabella dalla pronunzia dil romontsch sursilvan ed indicaziuns cumplementaras.
Tabellas da conjugaziun detagliada dils verbs romontschs sursilvans.
Numerusas explicaziuns detagliadas per cass specifics (lungatg, historia, diever particular, plaids romontschs senza equivalents).
Il lungatg franzos dad oz:
• lungatg franzos standard ni internaziunal;
• diever e vocabulari romand specific.
Purschida reha e diversificada dad equivalents franzos nianziai tenor il livel da lungatg.
Numerusas indicaziuns pertuccont la pronunzia ni particularitads dil franzos.
Fauturs
La realisaziun dil present vocabulari ei stada pusseivla grazia allas contribuziuns da:
Fondation Penelope Julliard
Société de la Loterie suisse romande
Sandoz – Fondation de Famille
Club Rotary de Genève
Pro Helvetia
Fondation Charles Veillon
Ville de Lausanne
Pourcent culturel Migros
Ville de Neuchâtel
Cantun Grischun
Canton du Valais
Biblioteca romontscha dalla Claustra da Mustér
Ville de Genève (Dép. des affaires culturelles)
Ernst Göhner Stiftung
Vischnaunca da Laax
Örtli Stiftung
Gemeinde Baar
Ville de Fribourg
Romania
Marcau da Glion
Pro Rätia
Vischnaunca da Trun
Vischnaunca da Tujetsch
Vischnaunca da Degen
Stadt Winterthur
Stadt Zug
Vischnaunca da Falera, Vischnaunca da Sumvitg, Vischnaunca da Mustér, Neue Zürcher Zeitung, Municipalité de Pully, Municipalité de Vernier, Vischnaunca burgheisa da Domat, Ville de Delémont, Commune de Plan-les-Ouates, Vischnaunca da Breil, Commune de Cologny, Stadt Kreuzlingen, Stadt Maur, Stadt Meilen, Ville de Romont, Gemeinde Oberengstringen, Vischnaunca da Cumbel
Plirs tschiens simpatisonts dalla Fundaziun Retoromana han era susteniu il project cun duns, mudests ni pli impurtonts, savens repeti duront onns. Ultra da quellas contribuziuns finanzialas ha la Fundaziun Retoromana aunc survengiu dal cantun Grischun gratuitamein in exemplar da mintga cudisch da scola sursilvan en diever ils onns 1980, e dalla Ligia Romontscha igl entir material informatic brut che ha silsuenter surviu ad ella per siu Pledari grond. La Ligia Romontscha ha era mess a disposiziun siu post da lungatg per diversas consultaziuns. Igl Uffeci cantunal da translaziun da sia vart ha gentilmein aviert al redactur sia entira datoteca sursilvana.