Las finamiras
Finamira dil vocabulari e public visau
La finamira dil vocabulari ei da dar pli bia spazi e libertad al romontsch.
| A nivel naziunal contribuescha el all'avischinaziun denter Romands e Romontschs. |
| Pli generalmein arva el in esch supplementar a quel dil tudestg denter ils Romontschs ed il rest dil mund, e favorisescha il contact direct denter il romontsch ed il franzos ch'ei in ulteriur lungatg naziunal svizzer, in grond lungatg internaziunal ed in lungatg frar, dal qual il romontsch savess s'inspirar per s'avischinar puspei ad in mund latin che s'extenda sin tut ils continents e dumbra el senn vast ver ina milliarda glieud. |
Il vocabulari ei in'ovra pratica, che sedrezza al public il pli vast pusseivel, redigida denton cun in quitau minuzius per representar era in instrument da studi scientific.
El cunvegn pia per exempel:
| als Romontschs che ston/vulan s'exprimer per franzos; |
| als interessai francofons che vulan scuvierer directamein il lungatg e la litteratura e cultura romontscha sursilvana; |
| als scolars sursilvans ch'emprendan franzos en scola e vulan ina via directa viers in lungatg frar; |
| als scolasts romontschs - sursilvans ni buc - che muossan franzos e vulan render lur instrucziun pli viventa, directa ed efficacia; |
| als romanists ed auters linguists, oravontut quels che san buca tudestg e vevan tochen ussa grondas difficultads d'haver access al lungatg; |
| e buc il davos als Romontschs che lessen s'inspirar d'in lungatg frar per evitar pli tgunsch ils germanissems che denatureschan il romontsch. |