Fundaziun Retoromana

Presentaziun

Fundaziun Retoromana Pader Flurin Maissen

La Fundaziun Retoromana Pader Flurin Maissen (FRR) ei vegnida creada igl onn 1982 e sortida digl Institut de Cuors retoromontschs, fundaus sez igl onn 1969 da Pader Flurin Maissen e da siu frar Augustin Maissen a Rumein. Igl intent dalla FRR ei daus entras siu act da fundaziun, el qual la finamira secloma: «... salvar, tgirar ed animar la cultura dils Romontschs ad ina veta emplenida da tut quei ch'ei human, bi e car, exequida en tutta libertad dils dretgs humans.»

Quella finamira emprova la FRR da realisar sin differents camps. Ils dus pli gronds projects: La Fundaziun Retoromana Pader Flurin Maissen (FRR) ei l'organisaziun purtadra dils Cuors da romontsch intensivs dalla Surselva. Plinavon eis ella vid las lavurs dil Vocabulari franzos - romontsch sursilvan +. Dapli informaziuns dil dus projects anfleis mintgamai sut las rubricas.

Commembras e commembers dil Cussegl da fundaziun dalla FRR

Francestg Friberg, Danis (president)
Gion-Giachen Furer, San Vittore (vice-president)
Inge Venzin-Flury, Trin (cassiera)
Alexi Nay, Vella
Francestg Roos, Dübendorf