Biografia
Biografia da pader Flurin Maissen
 |
Pader Flurin, culs nums da batten Gion Fidel Luis, ei naschius ils 22 d'avrel 1906 a Glion/La Foppa, burgheis da Sumvitg.
Geniturs: Anna ed Augustin Maissen-Cahannes. Las scolas primaras ha el frequentau a Glion.
| 1919-1927: | Gimnasi ad Engelberg ella scola claustrala dils paders benedictins, examen da maturitad tipus A. |
| 1927-1928: | Studis de filosofia, pedagogia, historia, historia d'art e musica all'universitad da Friburg. |
| 1929: | Entrada en la daustra da Mustér, ils 2 d'october: profess. |
| 1929-1934: | Studis da teologia a Nossadunnaun ed a Mustér. |
| 1933: | Ils 21 da matg: Messa nuviala ella claustra de Mustér. |
| 1934-1936: | Studis da scienzias naturalas a Friburg: mineralogia, fisica, matematica e geografia. |
| 1937: | Examens e lic. rer. nat. |
| 1936-1981: | Scolast da scola media al gimnasi de Mustér: fisica, mineralogia, matematica, musica, romontsch, franzos. |
| 1938-1940: | Dirigent digl orchester, dalla musica instrumentala e dil chor della scola claustrala. |
| 1938: | Fundatur ed emprem redactur dalla «TALINA», la periodica dils students romanians. |
| 1939: | Pader Flurin lai patentar siu «clavazin mét», il schinumnau «Clavifon» che vegn era exponius alla exposiziun naziunala «Landi» a Turitg. |
| 1944: | Dissertaziun e doctorat: «Mineraflklüfte und Strahler der Surselva - Fuorns e Cavacristallas», universitad de Friburg. |
| 1950 ca.: | Pader Flurin s'interessescha ed engascha zun fetg per ils schinumnai «Lungatgs planisai» (Esperanto). Ensemen cun dr. Humolka da Vienna eis el in dils pli gronds promoturs en l'Europa digl «Interlingua occidental». Sco mied d'informaziun e communicaziun vegn la revista «Il Gimnasiast» fundada, pader Flurin ei redactur. |
| 1955: | La dissertaziun da padcr Flurin cumpara sco cudisch ella casa editura della universitad Friburg. 1974 cumpara la secunda ediziun da quei cudisch ella casa editura Desertina, Mustér. |
| 1964: | Pader Flurin vegn numnaus dagl avat da Mustér administratur dils beins claustrals a Rumein en Val Lumnezia. Sco bencficiat pren el dimora el benefeci a Rumein. |
| 1969: | Fundatur digl «Institut de Cuors Retoromontschs». |
| 1982: | Ord igl «Institut» vegn la «Fundaziun Retoromana Placi a Spescha» formada. Pader Flurin ei president. |