medelina, curaglia
Cuors d’atun, ils 18 – 24 d’october 2026
La Fundaziun Retoromana Pader Flurin Maissen (FRR) organisescha danovamein in Cuors intensiv a Curaglia. Quel ha liug el hotel medelina ed ellas localitads dall’anteriura scoletta. Il cuors sedrezza ton a persunas senza enconuschientschas preliminaras sco era a persunas che han in livel avanzau. Puncts da program il suentermiezdi ni la sera en fuorma dad in program accumpignont cumpleteschan la purschida.
Entschatta dil cuors: Dumengia, ils 18 d’october, las 16.15 Fin dil cuors: Sonda, ils 24 d’october, las 14.00hotel medelina
Per tgi che pren bugen dimora el hotel medelina: Las combras ein reservadas per participontas e participonts dil Cuors d’atun. Per quei motiv indichescha il sistem da reservaziun ‘ausgebucht’ pil temps dils 18 – 24 d’october 2026. Las combras san vegnir reservadas tiel hotel per telefon (+41 81 947 40 77) ni per e-mail sin info@medelina.ch.
Infos hotel medelina
concept e program da cuors
Divers temas vegnan intermediai en differents nivels da difficultad en fuorma dad ina instrucziun interactiva e classica. Parallelamein vegn sligiau en ina stanza dasperas pensums individuals ni incumbensas da gruppa. Daferton ch’ina scolasta instruescha en ina stanza, sustegn l’autra las participontas ed ils participonts en lur process d’emprender en ina funcziun da coaching egl atelier dasperas.
Program da cuors 2025 (il program 2026 suonda la stad) informaziuns impurtontas 2025 (actualisaziun suonda pli tard)
Daner da cuors 2026
CHF 630 (excl. albiert e dunsena). Students* (naven da 16 – 25) CHF 450. Scolars* (tochen 16) CHF 270.
Annunzia 2026
Las annunzias vegnan risguardadas naven digl 1. d’avrel 2026 tenor la successiun d’entrada. Ils plazs ein limitai sin 30.
Il formular d’annunzia cumpara cheu sutvart naven digl 1. d’avrel 2026.