Proverbis en connex cun aua
Daguot e daguot fa puoz.
Aua tgeua cava riva.
Fa sontga Frena pésch ella camischa, sche dat ei in bletsch atun.
Aua tgeua cava riva.
Ina buna plievgia il matg, vala dapli che in tetg d’aur.
Artg la damaun, la sera pultaun.
Cura che la crappa dil Rein ei gl’atun nera, suond’ei ina bletscha stad.
Sogn Mattias cuora l’aua per las vias.
Tuna ei avon che plover, cal’ei avon che mover.
Daguot e daguot fa puoz.
Vein nus plievgia il matg, sche vein nus daners d’atun.
Plievgia il mars, aunc 40 dis unviern.
Cura ch’ei plova la dumengia dalla Sontga Trinitad, sche plova ei las dumengias tutta stad.
Plov’ei per Anceinza, betta la tiara sfendaglias.
Dariet raunas la primavera, ina bletscha stad; Paucas raunas, ina schetga stad.
Tgietschen dalla damaun fa puoz e pultaun.
L’emprema plievgia da matg betta il schnedc gl’uvierchel.
Frina ed aua dattan pasta.
L’emprema plievgia da matg vala in carr d’aur cun rodas ed ischel.
Proverbis en Beinvegni 2019
La fom catscha igl uors orda tauna.
Gronda fimera, pauca flomma.
Meglier pauc che nuot.
Tgi che fui dil luf, entaupa gl’uors.
Mo ina nusch en sac fa buca canera.
Bein empustiu ei miez cusiu.
Bein enschignau ei miez luvrau.
La ruina rui il fier, ils quitaus il cor.
Cu il vin ei spinaus ston ins beiber el.
Tgi che cauma da giuven isa da vegl.
Disa fa natira.
Mintga tetg ha sia crusch.
La caschun fa il paltrun.
Tgi che viva dalla speronza, miera dalla plaronza.
In crap che rocla fa buca mescal.
Haver igl egl pli grond ch’il begl.
Aua tgeua cava riva.
Ins sa buca metter petgas sutta tschiel.
Loschas mattauns, tschuffas vanauns.
Baul ni tard vegnan ils nuvs el petgen.
Coga per capiergna.
La stiala vegn dil lenn.
Mo ina mola fa buca frina.
Mintgin sa il siu.
Da platta ni da pegna hai adina dau.
Daguot e daguot fa puoz.
Da sec ston ins far da bialaura.
L’uolp mida il peil, mo buc il vez.
Tener il muschin e schar ir il cavagl.
Tons tgaus e tons meinis.
Haregiar ei quei che munta.
Empau per in fa mal a negin.
La glieud ston ins prender sco ella ei, e l’aura sco ella fa.
Ins sto far il sbargat suenter la comba.
In cugn catscha l’auter.
Il tun fa la canzun.
Bia paglia, pauca maglia.
Mintga scua ha siu moni.
Quei che va per forza, vala buc ina scorsa.
Ils lufs maglian buc in l’auter, denton ils signurs.
Petta spargna paun.
Fatg si cun rida, va giu cun spida.
Fontauna: Crestomazia; Caspar Decurtins
www.crestomazia.ch