La fundaziun

La fundaziun

La Fundaziun Retoromana Pader Flurin Maissen (FRR) ei l’organisa­ziun purtadra dil Cuors da romontsch intensiv dalla Surselva. L’in­stituziun FRR ei vegnida creada igl onn 1982 e sortida digl «Institut de Cuors retoromontschs», fundaus sez igl onn 1969 da Pader Flurin Maissen e da siu frar Augustin Maissen a Rumein. Igl intent dalla FRR ei daus entras siu act da fundaziun, el qual la finamira secloma: «…salvar, tgirar ed animar la cultura dils Romontschs ad ina veta em­plenida da tut quei ch’ei human, bi e car, exequida en tutta libertad dils dretgs humans.»

Quella finamira emprova la FRR da realisar sin differents camps. In da quels secturs ei l’organisaziun e realisaziun dils cuors da stad per emprender romontsch. Plinavon eis ella vid las lavurs dil Vocabulari franzos – romontsch sursilvan. Dapli informaziuns dils dus projects anfleis mintgamai sut las rubricas.

 

Commembras e commembers dil Cussegl da fundaziun

Francestg Friberg, Danis (president)
Gion-Giachen Furer, San Vittore (vice-president)
Ueli Tschamper, Basilea (cassier)
Tresa Deplazes, Schnaus
Francestg Roos, Dübendorf

 

Sustener la FRR

Nus essan engrazieivels per mintga sustegn finanzial. Cordial engraziament!

Fundaziun Retoromana
Pader Flurin Maissen
7130 Glion
conto postal: 70-1940-9 (IBAN CH30 09000 0000 7000 1940 9)