Cuors romontsch sursilvan intensiv
dalla Fundaziun Retoromana (FRR)

lungatg – cultura – divertiment

 

Preziada amitga, preziau amitg dil romontsch e sia cultura

"Sch’il cantun Grischun e la Confederaziun scamondan buca, lu realisein nus il Cuors romontsch sursilvan intensiv. Cun tut las mesiras e restricziuns che la pandemia pretenda."

Tenor quella devisa vein nus organisau e realisau il cuors 2021, e tenor la medema devisa essan nus era gia semess alla lavur pil cuors romontsch 2022.

A basa dallas experientschas fatgas la stad 2021 e dils resuns che nus havein survegniu da participontas e da participonts, havein nus priu suandontas decisiuns:

Urari da scola

Igl urari da scola resta sco la stad vargada, numnadamein dallas 9.00 - 12.30. Aschia ein participontas e participonts libers da separticipar suentermiezdi al cant ed al sport, ni da disponer da lur temps liber per explorar attracziuns e scazis en Surselva, per visitar amitgas ed amitgs, per approfundar lur enconuschientschas dil romontsch e sia cultura, ni semplamein per guder la cumpignia.

Niev: Livel 9 en moduls (remplazza livel 10)

Enstagl dad in livel 9 ed in livel 10 vegnin nus a menar il 2022 in nivel 9 en moduls. Aschia san participontas e participonts (tochen uss dils livels 9 e 10) far part egl avegnir dad in sulet livel culla pusseivladad dad eleger l'instrucziun tenor cuntegn ed interess. Ils cuntegns ein cumparegliabels cun quels dils livels 9 e 10 dils davos onns.

Program accumpignont ed excursiun

Pil 2022 sestentein nus da puspei saver porscher in program accumpignont. L'excursiun vegn ad haver liug previsiblamein el ravugl dalla classa.

Nus selegrassen dad astgar intermediar a Vus danovamein duas jamnas lungatg e cultura egl ambient cordial dalla Casa Sentupada.

 

VIES TEAM CUORS ROMONTSCH INTENSIV FRR 2022

 

Trailer 2022

ACTUAL

TERMIN 2022

Il Cuors romontsch 2022 ha liug

ils 17 – 30 da fenadur

Annunzia ed informaziuns

S’annunziar ed obtener ulteriuras informaziuns

AnNUNZIA ED INFOS

Proverbis

“Daguot e daguot fa puoz.”  

“Aua tgeua cava riva ”

DAPLI…

INFOS E DOCUMENTS

Impurtontas informaziuns pil cuors

DAPLI…
Fotografia dil Cuors romontsch sursilvan 2021

Livels

 

Ils livels 1-8 lavuran cul mied d'instrucziun da Gieri Menzli.
Il mied ei venals igl emprem di da cuors. Tgi che ha interess sa era retrer quel gia ordavon tier la Lia Rumantscha (www.liarumantscha.ch)

AFFONS 6-10

Per affons che han neginas ni paucas enconuschientschas dil lungatg romontsch. Instrucziun ludica ed adattada alla vegliadetgna. Affons ella vegliadetgna da 10 onns ensi san era separticipar ad in livel culs carschi (livels 1-9). Viceversa san affons tochen 12 onns, suenter cunvegnientscha, separticipar alla classa d'affons.

LIVEL 1A

Neginas enconuschientschas preliminaras dil lungatg romontsch. Mieds d’instrucziun: Cuors romontsch sursilvan 1 (G. Menzli)

lecziuns 1-5 (progressiun mo­derada)

LIVEL 1B

Neginas enconuschientschas preliminaras dil lungatg romontsch. Mieds d’instrucziun: Cuors romontsch sursilvan 1 (G. Menzli)

lecziuns 1-5 (progressiun accelerada)

LIVEL 2

Mieds d’instrucziun: Cuors romontsch sursilvan 1 (G. Menzli)

lecziuns 6-10

LIVEL 3

Mieds d’instrucziun: Cuors romontsch sursilvan 1 (G. Menzli)

lecziuns 11-15

LIVEL 4

Mieds d’instrucziun: Cuors romontsch sursilvan 1 (G. Menzli), lecziuns 16-18.

Cuors romontsch sursilvan 2 (G. Menzli), lecziuns 1-2. 

LIVEL 5

Mieds d’instrucziun: Cuors romontsch sursilvan 2 (G. Menzli)

lecziuns 3-7

LIVEL 6

Mieds d’instrucziun: Cuors romontsch sursilvan 2 (G. Menzli)

lecziuns 8-12

LIVEL 7

Mieds d’instrucziun: Cuors romontsch sursilvan 2 (G. Menzli)

lecziuns 13-16

LIVEL 8

Il livel 8 ei in livel da repetiziun. Las partici­pontas ed ils participonts applicheschan la materia tractada els mieds d’instrucziun ‹Cuors romontsch sursilvan 1› (G. Menzli), lecziuns 1-18 e ‹Cuors romontsch sursilvan 2› (G. Menzli), lecziuns 1-16.

LIVEL 9: NIEV! (incl. anteriur livel 10)

Il livel 9 vegn menaus da niev en moduls e remplazza ils anteriurs livels 9 e 10 (sco quei ch'els ein vegni menai tochen dacheu).

Ils moduls vegnan instrui da scolastas e scolasts dil cuors romontsch sco era da docents hospitonts en fuorma da conversaziun, luvratoris, prelecziuns e seminaris. Cuntegns pusseivels: actualitad, tematicas dil mintgadi, grammatica, linguistica, derivonza dils plaids, litteratura, historia dil lungatg, sociolinguistica, cultura, art, economia ed ecologia ella regiun, turissem, auters idioms e lungatgs.

Schebein il cuors vegn renconuschius sco cuors da perfecziunament decida il presidi da scola dil participont.

TEAM 2022

Las 12 classas dil CR22 vegnan instruidas da scolastas e da scolasts cun ina scolaziun linguistica e pedagogica.

Il Cuors Romontsch e siu svilup

 

La Fundaziun Retoromana Pader Flurin Maissen (FRR) organisescha dapi igl onn 1969 mintg’onn il Cuors romontsch sursilvan intensiv (CR). Quel ha priu sia entschatta a Rumein, midau igl onn 1982 per motivs da plaz a Laax en Casa Caltgera, ed ha liug dapi igl onn 2015 a Glion. Enteifer quels varga 50 onns ha il CR fatg in svilup admirabel.

Dad 1 sin 12 livels

Deva ei al CR igl onn 1969 in sulet livel, eis el sesviluppaus tochen la stad 2019 ad ina purschida dad 12 livels che sedifferenzieschan aschibein en lur grevezia sco era en lur structura.

Ils livels 1 (1A / 1B) tochen 7 han ina progressiun sistematica naven d’entscheviders tochen avanzai (corrispunda als livels internaziunals A1, A2, B1, B2). Il livel 8 sededichescha ad ina repetiziun generala dil tractau als scalems inferiurs. Al livel 9 ei vegniu dau accent principal alla conversaziun ed al slargiament dil scazi da plaids (C1). Il livel 10 ha cunteniu prelecziuns e seminaris teni preponderontamein da docents hospitonts (C2). La stad 2022 vegnan quels dus livels per l'emprema gada menai ensemen en in livel modular.

Da 20 sin 127 participonts

Era il diember da participontas e participonts ei sesviluppaus cuntinuadamein el decuors dils onns. Dumbrava igl emprem cuors 1969 rodund 20, quel dil 1990 31, quel dil 2000 71, e quel dils 2010 93 persunas, ei il CR digl onn 2019  sepresentaus culla loscha cefra da 127 participonts.

Svilup logistic

Il diember da participonts ha fatg in segl d'intragliauter 80 sin varga 110 cu il CR ha giu liug il 2015 per l’emprema ga ella claustra a Glion, la quala possibilitescha da realisar l’entira vasta purschida dil CR a moda optimala sut in tetg. Ils ferms attributs dil niev liug ein specialmein: liug central enteifer la Surselva cun bien access da tuttas varts e tuttina liug da siu persei e ruasseivel, stanzas da scolaziun modernas, aula pil program accumpignont, combras per la pernottaziun, mensa, baselgia, pusseivladads avon casa da far spassegiadas ella natira, ina halla da sport, curtgins, stanzas da studi, differentas terrassas, ina caffetaria.

Realisaziun CR22

Il CR22 che sespleiga dils 17 tochen ils 30 da fenadur a Glion ella Casa da Sentupada vegn realisaus ella fuorma che las mesiras encunter covid lubeschan. Las 12 classas dil CR22 vegnan instruidas da scolastas e scolasts cun formaziun linguistica, la lavur da secretariat vegn prestada da Rita Wolf. La direcziun generala schai els mauns da Conradin Klaiss.

Nus lein relevar il suandont davart il CR:

  • ei era adattaus per Romontschas e Romontschs
  • meina in cuors specific per affons da 6 tochen 10 onns
  • dat denter auter la pusseivladad a scolaras e scolars romontschs da sepreparar per examens da recepziun a scolas cuntinuontas
  • ei denter auter ina purschida da perfecziunament per studentas e students da gimnasi, scolas medias, scolas aultas, universitads
  • porscha culla concepziun modulara dil livel 9 ina formaziun linguistica per scolasts che instrueschan alla scola romontscha e bilingua en Surselva ed ordeifer
  • intermediescha aschibein lungatg sco era cultura
  • promova la convivenza sursilvana, mo era cantunala e naziunala

 

Gasetta “Beinvegni” 2019

RESUNS

«Ina stad senza cuors romontsch? Na, quei fuss trest per mei. Jeu s’interesseschel per lungatgs e cultura. Il program variont da questa stad ha danovamein purschiu bia dalla cultura romontscha e l’organisaziun ei stada perfetga.»

Beata Zimmermann
Balgach

«Wir (Mama mit zwei Kindern) wussten nicht, was uns im Romanischkurs erwarten würde. Kurz: Nach diesem Kurs war uns allen klar, nächstes Jahr sind wir wieder dabei! Eine Sprache lieben lernen heisst auch üben und das geht hier bestens mit den kompetenten, engagierten und humorvollen Lehrerinnen und Lehrer mit Herzblut für ihre Muttersprache!»

Birgit Herbster
Oberwil

«I enrolled in the Cuors Romontsch to begin to reacquaint myself (relearn) what had long ago been a native tongue. The two week experience was great, I learned more than I thought and I was able to create more than a few sentences to converse… and understood even more! I have much more work ahead of me, but Cuors Romontsch provided the materials and motivation to do so.»

Giancarlo Malchiodi
Brooklyn

«Für mich ist der cuors romontsch sursilvan ein echtes Ferienvergnügen. Man kann eine Landessprache lernen und lernt gleichzeitig viel über die Region. Nicht nur die Lehrer, auch die Teilnehmer tragen zu diesem Vergnügen bei.»

Ruedi J. Wieser
Cham

«In’ulteriura ga hai jeu frequentau il cuors romontsch sursilvan, che gida buca mo da mantener mias enconuschientschas dil lungatg. Adina puspei survegn jeu novas impressiuns ed informaziuns dil lungatg e da sia cultura. Il program d’uonn dil livel 10 cul focus «Sutselva» fuva ina scuntrada spanegionta cun in auter idiom ed ha aviert il sguard sin in’ulteriura varianta dil lungatg. L’atmosfera amicabla e familiara e la sentupada cun biars carstgauns varionts, han fatg orda quellas duas jamnas puspei in eveniment extraordinari. Ins empren bia da niev en in contuorn emperneivel.»

Ueli Tschamper
Basilea

«Schon seit vielen Jahren lebe und arbeite ich in der Surselva. Irgendwann habe ich begriffen: Romanischlernen geschieht nicht «einfach so». Im Cuors romontsch wurde ich durch die Intensität des Angebotes in den Bann des Sursilvan gezogen, ich konnte mein Heimatgefühl für die Region pflegen, meine grauen Hirnzellen aktivieren und viele interessante Menschen kennenlernen. Die wohltuende Stimmung am CR habe ich sehr genossen. Darum bin ich auch dieses Jahr wieder mit dabei.»

REBEKKA MADER
Glion

«Ich könnte mir keinen Sommer mehr ohne Cuors romontsch vorstellen! Ich bin als Anfängerin eingestiegen, bin herzlich aufgenommen worden, habe mich sofort wohl gefühlt. Ich habe auch viel gelernt, sei es sprachlich, kulturell – durchs Rahmenprogramm – oder habe, dank des Ausfluges, die Region besser kennenlernen können. Von meiner Begeisterung zum CR bin ich sozusagen süchtig geworden…»

CORINNE STEHLE-MEIER
Losanna

«Miu highlight digl onn! Ils inscunters culla glieud da dapertut, ils top scolasts e las top scolastas cun lur immens engaschi, e la Casa da Sentupada ella bellezia cuntrada creeschan mintg’onn ina atmosfera unica per mei. Ins sesenta sco en ina gronda famiglia. Ed enamiez tut: il romontsch.»

ANGELA KILCHÖR
WETZIKON

sponsurs

stan dils 16-07-2022

promoturs

fauturs

moduls livel 9

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation.

Renzo CAduff

Modul 3a

Seminari cun texts da Leo Tuor focus sin Onna Maria Tumera – (comica, humor, grotesca, intertextualitad), incl. exempels ord Giacumbert e Settembrini.

CHIP MAYER

Co-founder & CEO

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco.

GEORGE WHITE

Co-founder & CMO

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco.